O le asō lea na pueina ai e leoleo ni alii se toalua i le mae’a o suesuega o le fanaina o se tasi o sui o se kegi, se alii e suafa ia Alen Moradian i le itu i Sasae o Sini i le tausaga talu ai.
Na osofai e leoleo ni fale se lua i le city i le taeao analeila ma pue ai alii e toalua.
O le isi alii e 42 tausaga na pue mai Yowie Bay i le itu i Saute o Sini ma ua fuafua o le a molia i le fasioti tagata ma isi moliaga e aofia ai le faatulagaina o le fanaina o lē ua maliu.
O le isi e atoa iai le toalua e 31 tausaga mai Moorebank ma ua fuafua e molia le tagata lea i le fasioti tagata.
O lē na maliu o Moradian 48 tausaga na fana i totonu o se taavale i le aso 27 o Iuni i se kapaka i Bondi Junction.
