E toalua ua maliliu i luga o se tasi o auala pisi i Sini. O se faalavelave ua lipotia mai e toalua malu o le malo ma nisi o tagata na taumafai e toso ese mai i laua ua maliliu mai le taavale na mu peitai na maliliu ai lava i le nofoaga na tupu ai le faalavelave.
O le vaveao analeila na tupu ai le faalavelave a o petolo e leoleo le Centenary Drive i Strathfield ma taumafai ai e taofi se taavale o le ituaiga o le audi, fai mai leoleo na mulimuli ane fai tuliga a leoleo ma le avetaavale lea ina ua le usitaia faatonuga a leoleo.
I se taimi mulimuli ane na mu ai le taavale ina ua lavea i le onramp i le agai i Saute i le M4 i Homebush.
Lipotia le taumafai o malu o le malo ma nisi o tagata na iai e toso ese mai le avetaavale ma le pasese mai le taavale o loo mu, peitai na maliliu ai lava i lea nofoaga. O loo faia nei le suesuega i le faalavelave ae le o iloa poo ai tonu i laua ua aafia.
