O le tausaga lenei o i laua e toalua ua ma’umau ola mai le tale vivini poo le whooping cough, o nai fanau pepe e i lalo ifo o le tausaga le matutua.
O le lipoti i le asō i le RNZ ua faailoa ai e fomai popolega e ono iai le atunuu i se pepesiga o le tale vivini ona o le maualalo o le aofai o tagata na faia tuipuipui mai lea gasegase a o laiti.
Na faailoa e le Te Whatu Ora o pepe ia e toalua na ma’umau ola i le amataga o le masina lenei ma saunoa ai le faauluuluga o le vaega e feagai ma tuipuipui Owen Sinclair, o se tala faamomoiloto tele lea tala.
O le pepesiga mulimuli o le tale vivini o loo faamauina i le 2018 na maliliu ai tagata e toafa. O le faamai lenei e faaigoa foi i le faaperetania o le pertussis ma e matele ina ogaoga aafiaga i tamaiti.
I le tausaga lenei e 8 i latou ua faamauina le aafia ai, toafitu o tamaiti ma e toatolu sa taofia i le falemai.
O le fautuaga la mai fomai o le faia o tuipuipui.
