O se faalavelave o loo tulai mai I Kuiniselani o loo faia nei iai suesuega a leoleo e faapea na maua ai tino maliliu o ni tagata se toalua I se fale I Rosewood I Ipswich ile aso faraile talu ai ina ua alu atu se asiasiga poo manuia, welfare check.
Fai mai na talosagaina leoleo ia agai I le fale lea ma maua atu iai I laua e toalua ua maliliu o se alii 49 tausaga ma se tamaitai 44 tausaga. Na maua ai e leoleo ma explosive devices ma iu ina aveesea faavave ai tuaoi mai o latou fale ao faia suesuega a leoleo.
O se faamatalaga mai le 7 news e faapea o nisi o faamatalaga faamatuu mai I le maea o muai suesuega I le faalvelave ua taua ai e leoleo e le o masalomia se tasi I le faalavelave ae o loo faaauau pea le suesuega. O le a tuuina se lipoti I le coroner mo le faamautuina o le mafuaaga o le maliliu ae e le o faailoa maia e leoleo I le taimi nei nisi mau faamatalaga e tusa ai o lenei faalavelave.
O le poloaiga faavavave na faia e leoleo I lalo o le Public Service Preservation Act ona o tulaga tau le puipuiga mai masini na maua iai ile fale, ua toe faaleaogaina I le aso ananafi.
