A itiiti mai pe toalima tamaiti aoga ua aveesea mai le aoga ona o ni vevesi ma tuuaiga o faiga sauā ma fia malosi ua tulai mai ai.
Ua lipotia mai i se aoga i se taulaga o le faaitu o Coromandel e faapea na tutupu mai ai tulaga ia ma faatonuina ai tamaiti aoga ia e oese ma le aoga.
I le masina lava lenei na feta’ua’ina mai ai i lipoti sa faatino ai amioga ia fia malosi i se tamaititi aoga.
Fai mai le Stuff o le tausaga ua tea na ave ane ai se tamaititi o le aoga lea i le falemai i se tulaga tigaina ina ua faaoolima iai nisi i fafo ane o pa o le aoga ma mulimuli ane molia ai se talavou i le faaoolima faamoemoeina.
O loo lipotia foi nisi mataupu sa aliae mai i le aoga lava lea ua faaseā ane ai ni matua ae foliga e le o amanaia e le puleaoga ia faaseā.
O se faamatalaga mai le matagaluega o aoga ua ta’ua ai o loo feagai nei le puleaoga ma nisi o mataupu ua laga atu e matua ma ua taliaina foi e le aoga le ofo atu o le fesoasoani mai le matagaluega e lagolago ai a o faatino suesuega i ia mataupu.
