E toalima talavou ua pueina e leoleo i le taeao analeila ile maea o le gaoiga o se nofoaga i Takanini.
Ta’ua e leoleo na valaau ane latou i le faalavelave lea i Periko Way ile afa ole tasi i le vaveao e faapea na osofai ai ele vaega lea ma aveese mai ni meatotino mai lea fale ma sosola ese ai i se taavale.
Na maua e leoleo le taavale lea i Manurewa ma pue ai loa e leoleo le toalima lea, e ile va o le 14-18 tausaga le matutua.
O le aso e tatau ona tutulai ai i le faamasinoga o tupulaga talavou i Manukau.
