O lenei tala faanoanoa na sau ai mai le aoga tulagalua a Hillcrest I Devonport ao faia le aso fiafia e faauma ai lenei tausaga faaleaoaoga
I uluai ripoti e faapea o nei fanau na pauu mai le jumping castle ao ave ai e savili malolosi ma e toafa fanau na muai sau tala ua maumau ai soifua, lua teine & lua tama
O le isi toalima na auina atu I le falemai, e toafa e tigaina ma le toatasi ona o manuaga tuga
I itula mulimuli ane ae sau tala anapo faamaonia mai e leoleo ua faaopoopo le isi tamaititi maliu ma ua toalima ai
I ripoti e faapea e tusa ma le 10 mita le maualuga lea na pauu mai ai fanau sa I totonu o le castle
O se faalavelave faafuasei e le o faigofie I le komiuniti ma o le lagona foi lea na faaalia e le palemia o Ausetalia Scott Morrison ananafi aemaise o le aso mulimuli o aoga
