Fai mai leoleo e to’afitu alii ua o latou pu’eina ma tuua’ia i mataupu e aofia ai soligatulafono faatulaga lelei poo organised crimes ma o latou sootaga.

O le osofa’iga a leoleo na faia i le taeao po ananafi i le itu i Sisifo o Sini i le mae’a o a latou su’esu’ega e masina atoa o faagasolo, taula’i tonu lava i le tapaa ma le ausolitulafono o loo latou sa’ili e gaoia ia oloa ma faia ai fefaataua’iga faasolitulafono.

O le to’aono o i latou na pu’eina pe ā ma le ta’i 20 tausaga le matutua ma le isi ua silia ma le 40 tausaga ma ua molia uma i le maua iai o sikaleti ma tapaa ia pe ā ma le 1.4 tane le tele.

O mataupu na su’esu’eina e leoleo e aofia ai le gaoia o le tusa ma le $1.5 miliona o sikaleti na gaoia mai se unit i Casula atoa ai ma le taumafaiga e gaoia se loli sa tumu i le uta o tapaa i le faaitu o Guildford.

O i latou la ua pu’eina na molia i moliaga o le gaoi, talepefale ma le aafia i se kulupu faasolitulafono ma ua teena uma le tatala i tua.

Puna o Faamatalaga: https://www.9news.com.au/national/nsw-police-charge-seven-men-over-alleged-links-to-illegal-tobacco-trade/5643eb2c-5e82-46af-a611-c1c85def1b37