E toafa tamaiti ei lalo o le 10 tausaga le matutua o loo aofia ai I tagata e toafitu ua faamanualia ise faalavelave tau taavale na tupu I le itu I sisifo o Sini.
O le vaega o fesoasoani faavavave na valaau ane I Boronia Road I Greenacre ile po o le aso lua o le vaiaso nei ina ua fetuaina na fetoai ai le taavale o le BMW ma seisi taavale o le Lexus.
O loo maua lelei I ata a le CCTV le taimi na tupu ai le faalavelave ma faavave atu ai tagata na iai I lea faaitu e fesoasoani.Fai mai e toalima tagata mai le aiga e tasi sa I totonu o le Lexus e aofia ai se teine talavou 18 tausaga ma teineiti e toafa.
Na ave uma atu I le falemai mo togafitiga . O le pasese a le BMW ose alii e 31 tausaga sa I le nofoa o le pasese ae fetauaina o le avetaavale e 25 tausaga na aveina foi I le falemai mo togafitiga.Ina ua maea togafitiga na ave ai le ave taavale o loo fetauaina o le BMW e leoleo mo suesuega ma molia ai I le solia o aiaiga o le tatala ai I tua atoa ai ma le ave taavale ao faaleaogaina le laisene.
O le vaiasou fou e toe tulai ai I le faamasinoga.
Menu
