E toafā tamaiti e i le va o le 5 masina ma le 17 tausaga na aofia ai foi i se isi faalavelave tau taavale ua lipotia ai i Melepone i le vaiaso nei.

O loo tigaina nei i le falemai se alii i lenei lava faalavelave fai mai na tupu i le afiafi o le Aso Sa na tea nei ina ua tulai mai se vevesi i le va o ni taavale se lua sa i luga o le Eastlink.

O loo ta’ua e faapea na taufai agai ese mai nei taavale i le exit High St ae feto’ai ai loa le isi taavale o le station wagon ma le isi taavale na agai ane i le auala o le ituaiga o le RAV4.

Ua molia nei le isi avetaavale na aofia i le faalavelave fai mai e 43 tausaga ma ua fuafua e tulai i le faamasinoga i le Aso Tofi o le vaiaso nei a o tālia ai se isi lipoti a leoleo i si tamā e 52 tausaga o loo i le falemai ma nai tamaiti na aafia i lenei faalavelave.

Ua toe faamanatu mai ai e leoleo i mātua ia tautuana le ola o nai fanau ia faamuamua ae le o le tau fai faaali o malosi o avetaavale ae lamatia uma ai le pasese.