E toafa talavou ua lipotia lo latou gaoia o se taavale o le ituaiga o le Mazda Demio ae alu ai sa latou gaoiga i Otago i le po anapo.
Fai mai le Stuff na valaau ane leoleo e logo iai le taavale lea na gaoia mai Oamaru ma maua ai e leoleo alii talavou e toafa, 15 tausaga ma lalo ifo.
O le faamatalaga mai le satini o Matthew Lee mai Dunedin e faapea na gaoia foi e le toafa lea se isi taavale o le ituaiga lava lea mai Dunedin, na o latou faaleaga i faamalama ma isi vaega o le taavale ma lafoai ai mulimuli ane i se nofoaga o le rest home i St Kilda lea foi na gaoia mai ai le isi ituaiga taavale lava faapea.
Ua faailoa mai o le toafa lea ua tuuina uma atu i le vaavaaiga a le Youth Aid ae ua faailoa e leoleo ua maitauina le siitia o le aofai o osofaiga e taulai i ituaiga taavale ia o le Mazda Demio.
