E toaono tagata ua manunua ise faalavelave ua lipotia mai I se fale I Glen Innes ile taeao analeila. Fai mai leoleo poo le lata I le tolu I le vaveao analeila na ulufale ai nisi I se tuatusi I Heatherbank Street lea na faalogoina ai le pa pa ane o fana.
O I lea e manunua mai ai le toaono e pei ona lipotia ma e toalima na auina atu I le falemai I AUkilani mo togafitiga. Fai mai e toalua o loo ise tulaga tigaina ma isi e feololo manuaga. O loo faagasolo nei le suesuega a leoleo e aofia ai ma le faatalanoaina o nisi o tagata e aumau I le tuatusi na tupu ai le faalavelave.
O le molimau a se tasi e aumau ile magaala lava e tasi e faapea e seasea tulai mai ni faalavelave I le latou magaala mae masani ona filemu. Ua leo e leoleo le nofoaga o le faalavelave ma ua fautuaina foi tagata I le faaitu lea ole a vaaia se numera tele o leoleo I lo latou pitonuu ao faagasolo pea seusuega.
E le o taua ile lipoti le mafuaaga ole faalavelave ao talia ai se tala mai leoleo I le iuga o suesuega amata. O lipoti a le ZB o loo taua ai molimau a nisi o tuaoi e masani ona vaaia o faia ai inugaava ae ua faailoa I le lipoti lea se faamatalaga mai le Councillor o Maungakiekie Tamaki, Josephine Bartley e faapea e foliga o le osofaiga e le iai se sootaga ini kegi.
