O loo sue e leoleo lē na tatuiina (tulou) le isi tagata ananafi i Otahuhu i Aukilani i Saute.
O le lata i le itula e 5 i le afiafi na iai le tagata ua faamanu’alia tigaina ma i faamaoniga mai leoleo o lea na tatui i le Otahuhu Pool and Leisure Centre.
O lē ua aafia e faapea e tigaina ma na faanatinati ai i le falemai i Middlemore.
E talitonu leoleo e lē o iai se tulaga e faapopoleina ai le saogalemu o tagata lautele ona o le mea ua tupu ma o loo sailia pea nei lē na faia.
Puna o Faamatalaga: Person seriously injured after suffering alleged stab wounds at Ōtāhuhu Pool and Leisure Centre – NZ Herald
