Faatamala le tausimai ma mulimuli ai tigaina le gasegase. O le tala lata mai lea i le ripoti o suesuega ua maua ai e le i mulimulitaia e le tausimai lesitala ma le Te Whatu Ora Counties Manukau taiala o le vaaia faalelei o gasegase e pei ona tulai mai ai lenei mataupu ia Oketopa o le 2019 i le vaega o loo faamama ai toto i le falemai i Middlemore i Aukilani.
E faapea sa tatau ona i le va o le 10 i le 20mcg o le vailaau e faaaoga mo le tui peitai na faaaoga uma le 100mcg.
O loo taua foi i lea ripoti, e le i mulimulitaia taiala o le tatau ona siaki e le isi tausimai faatoa faia ai le tui o loo iai i totonu le vailaau.
I le ripoti na vave ona sui le faalogo a le gasegase e le gata i le tiga tele o lona tino, le mafai na taofiofi mafua mai i le teena e le tino o le malosi o le vailaau ma ua na o le auau ee.
O se suesuega ua sau ai ma fautuaga agai i le matagaluega faapea lana aufaigaluega, ia toe silasila i itu e tatau ona faaleleia aemaise o le mautinoa o loo saogalemu le soifua o tagata o loo sulu atu.
Ua faatonuina ai foi le tatau ona faia o se tusi faatoese aloaia a le Counties Manukau i le tina 50 ma ona tupu tausaga o lona matua lea na aafia, o ia foi o se tasi o gasegase masani a le falemai i Middlemore i le itu o loo faamama ai toto.
