Toatasi na taofia I le potu tigaina I le falemai ona ua ia inumia le vailaau o loo salalau ai tala e mafai ona foia ai le Koviti
O le Miracle Mineral Solution poo le bleach based solution o le vailaau lea na inumea e le na faanatinati atu I le falemai, ma ua toe faamanatu mai ai le le tatau ona inumia o lea vailaau
Mai le Medsafe e ogaoga ona aafiaga ma e le o iai foi ni faamaoniga a mea e moni e mafai ona tape ai le vairusi
O le Miracle Mineral Solution o le igoa lea o loo maketi le chlorine dioxide lea e faaaoga mo le faapapaeina o lavalava faapea le tineia o siama
Ua faaalia ai e le Medsafe o le inumia o nei vailaau e tutusa lava ma le inumia o le bleach poo le vailaau lenei e faapapae ai tagamea
Ua toe lapatai mai ai ma le Medsafe e ono aafia ai lou soifua, ma afai ae ua e taumafaina mulimuli ai faalogoina nisi auga ua tatau nei ona vaai vave se fomai
Talu mai ona sau le Koviti e le na o le Miracle Mineral Solution ua faataitai e le toatele, ua oo lava foi I vai anufe mo solofanua
