Ua fautuaina le faia o se faatulagana lautele mo tagata e umia sea poo le public shareholding structure ina ia faaitiitia ai nisi o popolega ua laga e nisi o pulega faalotoifale e faatatau I le lusi o lle umiaina o aseta.

O le Three Waters o le fuafuaga lea a le malo e faatuina ni totino se fa e umia e tagata lautele e feagai ma le suavai o loo faaaogaina mo le fofoga taumafa, le suavai palapala ma le suavai mai taimi louloua o le tau, stormwater mai pulega faalotoifale.

Ua lipotia e le Newshub o fetuunaiga ua mafua mai ona o le mataupu na tulai mai I le 2016 na maliliu ai tagata e toafa ma le pe a ma le 5 afe na gasegase ina ua aliae se faaletonu mai le faaitu o Havelock North.

O lalo la o le Three Waters Model lea , o le a tumau pea ona avea pulega faalotoifale ma owners poo I latou e umia aseta o le suavai ae o le a le ia I latou le faatonutonuina.

O le a iai kulupu ua faaigoa o regional representative groups o le 50 pasene o sui auai o sui o le council poo le pulega ma leisi 50 pasene o sui o le iwi, tagata maoli.

Lipotia sa iai foi nisi o pulega faalotoifale sa laga popolega I le faiga lea ma sa faailoa foi se finagalo o le minisita o loo feagai ma le mataupu, Nanaia Mahuta ile lipoti lava lea e faapea o le a faamalosia le Three Waters Reforms i pulega faalotoifale ma ole masina o Tesema na faailoa ai e le malo o le a toe faatuai le faatinoina seia oo mai I le tausaga lenei 2022 ma sei maea nisi o faatalanoaga o loo faia.

O le fuafuaga lea a le malo o loo taua e faatupulaia ai le GDP poo le aofai o oloa ma auaunaga I totonu o Niu Sila mai le 14 piliona ile 23 piliona I totonu o leisi 30 tausaga o lumanai.