E toatasi se alii o loo iai manuaga mai se vevesi tele na tulai mai I se nofoaga faatali pasi i Adelaide ile po anapo atoa ai ma nisi tagata se toalua na manunua foi. Fai mai leoleo e toatele na valaau atu e lipoti le faalavelave lea o se kulupu toatele o tagata o loo vevesi poo le toe 10 ile valu I le po anapo na tupu ai ile Tea Tree Plaza I Modbury Adelaide.
E 30 tausaga o le alii na auina atu ile falemai ona o manuaga I lona fatafata,atoa ai ma isi alii e toalua e 19 ma le 24 tausaga na manunua ai foi mai lea lava vevesi.
Fai mai le 9 News ua pueina e leoleo se tamaitai 21 tausaga ma molia ile faaoolima. O loo suesue e leoleo le mafuaaga o le faalavelave ma tau sailia molimau ile taimi na pailima ai I latou o loo fetauaina ilea mataupu.
Fai mai leoleo e le o iai ni manuaga o le tamaitai ua molia nei.
