O le tagata e atoa iai le toatolu o i latou o loo molia i le maliu o le tagata faigaluega i le dairy o Janak Patel lea na maliu i Aukilani Tutotonu ua faailoa mai o loo ia teena foi ona moliaga.
O Frederick Hobson, Henry Fred ma Shane Henry Tane o loo molia uma i le maliu o Patel ma le gaoi ma o le asō ua faaleo ai e le loia a Tane lona tetee i ona moliaga i le faamasinoga maualuga i Aukilani.
O le isi toalua ua mae’a faailoa foi le teena o moliaga o lona uiga la o le a faatulaga loa e tulai i le faamasinoga i le tausaga fou.
O lē ua maliu na osofaia i le alatele e lata i le Rose Cottage Superette i Sandringham i le masina o Novema i le tausaga talu ai ma maliu ai lava mulimuli ane.
Sa ia vaaia lea faleoloa a o malaga i latou e ana i atunuu i fafo ae lei leva foi ona mae’a lana faaipoipoga.
