E lata i le 3,000 tagata galulue a le Oranga Tamariki lea o le a amata tetee mai le vaiaso nei, a o lē fiafia ai i maliega o loo aiaia ai o latou totogi.
Na faamanino mai e le PSA – Public Service Association o lea ua iai le maliega ua ofo mai i le aufaigaluega ma o loo sau ai peimeni itiiti e totogi atoa mai i le taimi e tasi faapea ai ma le leai o se siitaga o totogi.
O se ofo e matua’i lē talafeagai ma galuega.
O le tetee lenei e amata mai le Aso Faraile nei se’ia oo atu i le aso 18 o Aperila, ma i totonu o lenei piriota o le Aso Faraile o le vaiaso a sau, e leai ai ni galuega mo le lua itula.
E eseese uma lava le faiga o loo faia ai tetee i ofisa ta’itasi, nisi e lē o toe faaaogāina le system, lē toe taliaina ni galuega ovataimi, lē toe taliaina ni galuega i tua atu o itula faigaluega faatulagaina, atoa ai ma le lē toe faia o galuega nei e lē maua ai ni totogi.
Leai se tala tele mai le Oranga Tamariki e tusa ma le finagalo o le sooupu ona o lea o loo faasolo feutana’iga ma le PSA.
Puna o Faamatalaga: Strike action kicks off this week at Oranga Tamariki | The Post
