E 24 itula lea ua fuafua e savavali ese ai fomai ua ta’ua o junior doctors i le masina fou, e mafua lava i totogi.
Mai le iuni, Resident Doctors Association ma le faasilasilaga na sau i tua ananafi o loo ta’ua ai o lea ua mae’a faailoa le tetee agai i le matagaluega a le soifua maloloina.
O le lē fiafia o fomai nei e tusa ma molimau a le failautusi o le iuni, Deborah Powell, e lata i le 2,500 fomai ua ofoina atu iai siitaga o totogi, e tusa lea ma le 25% le siitaga peitai o le lē fiafia i le faaitiitia o totogi o le isi tusa ma le 300 o fomai le mafuaaga.
E 24 itula le umi o le tetee, ma e amata faitau mai le ta o le 7 i le taeao o le aso 7 o Me.
O le vaiaso a sau lea ua faatulaga ai fonotaga e soalaupule ai lenei mataupu, ma afai ae maua ai se tali filemu ma faamalieina fomai, o lona uiga ua lē faataunuuina le tetee.
Ae i falemai, o lea ua amata tuufaatasia fuafuaga faataatitia ina ne’i mea ane e taunuu pea lava le tetee.
Puna o Faamatalaga: Junior hospital doctors plan strike in May | Newshub
