Na amata ona faamaopoopo le fono faavae a le itumalo palota o le Vaimauga 3 o fetosoa’i faapa’utolo a loi tala o le komiti ma le filifilia o ona sui, peitai ua taunuu i se taotoga manuia, ina ua fausia ma umusa le ofisa tutotonu o le a tapuvae tasi iai galuega o le poloketi tasi le miliona a le itumalo.
O le molimau lea a le tofa Ve’atauia Faatasi ua avea nei ma taitaifono o le komiti o le fono faavae a Vaimauga 3 ina ua tuumalo lo latou sui faipule le afioga Tapunuu Niko Lee Hang, o lona faletua na ave iai le faaaloalo na te ooti le lipine e aloaia ai le mae’a o le galuega ma tatala le ofisa tutotonu.
O le tamaitai Minisita o Tupe o loo tauaveina tiute o le Minisita o Tina ma Tamaitai atina’e o afioaga ma aga fesootai na saunoa faafetai i le komiti ma le itumalo i le tausisia o taiala o le poloketi ua mae’a ai le galuega o le ofisa tutotonu.
Le afioga Mulipola Anarosa Ale Molioo o le minisita o tupe o loo tauaveina tiute o le Minisita o le matagaluega o tina ma tamaitai o loo vaaia le poloketi o le tasi le miliona tala.
