Ua toe faasala tupe le tamaitai o Jessie Gettins e na te totogia le $13,000 ona o le tele o taavale na ia faatauina i luga o le Marketplace a le Facebook i totonu o le tausaga.
O Jessie Gettins na suesue ai e le matagaluega o pisinisi ma o lea ua faasala e le faamasinoga e tusa ma lana faaiuga na tuuina mai ananafi ona ua ia toe solia foi le tulafono.
I lalo o le Motor Vehicle Sales Act 2003, e na o le 6 taavale e mafai ona faatauina e i latou e leai ni laisene mo fefaataua’iga nei i totonu o le tausaga.
O lē ua faamaonia e le faamasinoga lana solitulafono sa ia umia muamua le laisene mo fefaataua’iga nei, ma ua fai mai le faamasinoga o lea lava na te silafia le tulafono.
O le tausaga e 2016 na faasala tupe ai foi na te totogia le $18,000 ona o le solitulafono lava e tasi.
Ua sau ai ma le lapataiga i tagata o loo faatau taavale i luga o le Facebook e mataalia ma faia muamua suesuega faatoa faatau ai.
