O loo faatino tetee a ave trains, o loo faaauau foi le faailoaina o le finau a i latou o loo unaia le faia o se faatatau i suiga o le tau poo climate activists ma o nisi Ia o tulaga o loo tula’i mai I Sini i le aso ma ua maitauina le faatuai o le tele o malaga a trains atoa ai ma le tele o itu o le aai tele i Sini ua faalavelavea ai le feoa’i a tagata ona o solo tetee o loo faatino.
Faaopoopo atu i lea o loo folafola foi le tetee a tausimai ma le aga’i ese ma galuega. Ua lapata’ia e le vaega o loo nafa ma le faafoeina o nofoaafi poo trains i le setete, tagata femalagaa’i ia silafia o le a matua’i iai ni faatuai i faigamalaga ona o fuafuaga e pei ona faatino nei e le aufaigaluega e mafua lava i feutana’iga i totogi.
O le Blockade Australia le faalapotopotoga lea o loo feagai ma taumafaiga i le aai i Sini e faalavelave i feoa’iga a tagata i luga o le alatele ia siitia ai le silafia o tagata i la latou finau mai e uiga i aafiaga o suiga o uiga o le tau i le atunuu ma ona aafiaga.
Fai mai le sui premier o le setete Paul Toole i sana faamatalaga i le 7News, o lana tala e fai i le ‘au solo tetee, aga’i e saili ni galuega moni, ae fai mai le sui komesina o leoleo, Paul Dunstan e fia faailoa i tagata nei o loo latou faia ni galuega solitulafono.
