O le tele o otaota recycle e toe uma ane lava ua oo i le nofoaga o loo lafoai ai ae le o le toe faaaoga.
I suesuega a le Fair Go ua maua ai le tele o lapisi o loo aoina mai i bins ua faapitoa mo le recycle ua na o le ma’umau o le taimi e ta’ua ai o le recycle peitai e le o mafai ona toe faaaoga ona e filogia ma isi lapisi.
Ua maua ai e le Fair Go o le tele o councils ua toe molimau pe ā ma le 80% o lapisi recycle lea e toe lafoai uma.
A o tuuaia ai e nisi e le o lava le tutū malosi o councils e unaia tagata, ae ua fai mai le city council a Nelson e le o councils ae o tagata.
Ua ta’ua ai foi o le taimi o le afā le isi taimi na molimauina ai le tele o bins recycle na avatu faatasi ai ma isi lapisi e le o ni recycle.
Ua fai mai ai ma le suesuega e le o faia e tagata le galuega o le faavasega lelei o lapisi recycle, e taugata tele le tau o loo toe faavasega ai ma ua sau ma le tala o loo lagolagoina e councils uma le faiga o loo faia e atunuu i fafo, o le totogi o atigifagu pe a toe faafoi.
O se faiga o lea o loo faatali i le malo i sana faaiuga aloaia.
