E 1,369 auupega o fana ma le 1,161 o tagata ua pueina e leoleo I lana suesuega ua faaigoa o le Operation Tauwhiro lea e faaautu tonu i soligatulafono e aofia ai auupega o fana atoa ai ma ai ma fualaau faasaina.
O le Operation lenei I totonu o le tausaga talu ona faagasolo na amataina e le komesina o leoleo, Andrew Coster ile masina o Fepuali o le tausaga talu ai. O se vaega tele la o fana ma pulu, fualaau faasaina pei o le aisa mae maua atu e foliga ua maea tapenaina mo le faatau atu.
O sailiga a leoleo na oo I Alexandra, Ueligitone atoa ai ma Rotorua lea foi na maua iai nisi auupega ma o ilatou uma na pue e leoleo ua faia uma iai moliaga.Fai mai leoleo sa galulue faatasi ma le malo, o pisinisi faatau fana faapea kalapu ma tagata e umia auupega faatulafonoina ina ia taofia le faaui atu o fana mai tagata o loo umia faaletulafono agai atu I le au solitulafono.
O loo avanoa le crimestoppers ma le numera 105 e lipoti iai ni faamatalaga e silafia e tusa o ia ituaiga gaioiga
