O le ta’ua o le ta’ita’i o le Itu Agai le susuga Tuilaepa L Sailele Malielegaoi i se vaega o le saunoaga faaminisita a le ta’ita’i o le malo i le Palemene i le Aso Lua, ma tuua’ia ai i le taufaaleaga ma le foumalo, na faailoa ai e Tuilaepa i le feiloa’iga ma tusitala i le Aso Tofi na te teena lea finagalo o le Palemia.
O le tasi o finagalo o le ta’ita’i o le Itu Agai na ia faailoa ai o le taimi ua mae’a taualumaga a le fono aoao i le Aso Lua ua aga’i i le mālōlōga masani o le taeao, na ia faia ai ni lafoga i le Palemia i se tulaga o ni tala tausua, peita’i ua faate’ia i le faia ai o le faai’uga e faamālōlō mai taualumaga a le fono mo le 24 itula.
O le Aso Lulu i taualumaga faaauau ina ua mae’a le mālōlōga o le taeao na ia toe ulufale ai i le Palemene ae sa toe faatonuina e tuumuli ese ma le tauaofiaga ona e le’i atoa le 24 itula.
Le ta’ita’i o le Itu Agai ma le sui faipule o le itumalo o Lepa, susuga Tuilaepa L Sailele Malielegaoi i sona finagalo i le feiloa’iga masani ma tusitala e pei ona sa faasalalau i auala o fesoota’iga a le vaega faaupufai e puipuia aiā tatau a tagata.
