Ua teena e le Palemia o Niu Sila nisi o tuua’iga ua faia e le faipule o le Leipa o Gaurav Sharma e faatatau i ni uiga fia malosi poo le bullying i totonu o le Palemene ae fai mai Ardern o loo ia silafia nisi o mataupu e faamatalaina o mataupu e aofia ai galuega. I se tusitusiga o faaalia ai finagalo na lomia i le NZ Herald i le vaiaso nei ua faailoa ai e Sharma o itumalo e faatuina mai o latou sui faipule o le a lē fiafia pe a vaai i nisi o tulaga e ao ona ui ai ia sui faatutū e tusa ai o uiga soonafai ia mai totonu o le Palemene.
Fai mai Sharma e pei ona ta’ua i le lipoti afai ae mafai ona talanoa nisi o sui nei i se tulaga sa’oloto e tumu ai se tusi i tala o tulaga ia faapea ae e leai ma se lagolago mo faipule o loo aofia i nei uiga e faia iai e isi foi faipule. O le aso ananafi na saunoa ai le Palemia o le Palemene e pei lava o isi fale faigaluega e tatau lava ona sa’oloto mai faiga poo uiga fia malosi faapea, ma o le faamoemoega lea o loo iai e oo lava foi i sui faipule.
Ta’ua e Ardern e ui o loo ia teena tuua’iga ua faia ae e fia faamautu o lea faipule o Sharma o se sui tāua o le latou vaega faaupufai ma e fia faamautinoa foi o loo ia maua le fesoasoani poo le lagolago o loo mana’omia.
Na ia ta’ua foi na te iloa o loo iai nisi o mataupu tau galuega o loo soalaupule ma o loo galulue ai i le taimi nei ae ao foi ona faatumauina le tulaga faalilolilo o ia mataupu ma i latou o loo aofia ai.
Vaofilifili & Le Soga
118 Aua ne’i galo sau lomiga ole Tusi ole Sōgā faatasi ai male lolomiga ole Vaofilifili. E maua ai Faalupega
