E toalua tagata ua tautino I lo la auai I se faiga taufaasese e faitau miliona e aofia ai le faatauina o se fale I Aukilani i investors mai fafo atu o le atunuu. O Wen Ting Zhang ma Jian Long na tautino I o la moliaga I le mataupu lea I le faamasinoga maualuga I Aukilani I luma o le faamasino Matthew Downs.
O le mataupu na tulai mai I le faaiuga ole 2015 e aofia ai se faatonu o se kamupani e feagai ma auaunaga tau fale ma inivesi. O moliaga o le toalua lea e aofia ai le taufaasese, gaoi ao avea ma tagata o loo iai se mafutaga, taufaavalea male faaaogaina o faamaumauga sese.
O le fale ei Hobsonville lea e faapea na faasese ai e i latou ia se ulugalii inivesi mai fafo atu o le atunuu ae sa fuafua e fia malaga mai e nofomau I Niu Sila nei I lalo o le investor visa scheme.
O loo ua faatalia nei la le aso 25 o Iuni e lauina ai iuga o I laua ia e toalua.
