Ua tautino le alii taalo o Jarome Luai o nisi o post sa ia tuuina i luga o le instagram sa le tatau lava ona faia. O le taimi nei o loo toleni Luai faatasi ma le ‘au a Samoa e sauni ai mo le fetauiga amata ma Egelani i le Ipu o le lalolagi i le lakapi liki.
Sa iai nisi o popolega ne’i aafia Luai i se faasalaga mai le mataupu lea peitai ua lipotia se faamatalaga mai le alii taalo i le Nine Sports, sa ia lagona o se faamatalaga le talafeagai na tusia ma ua mae’a ona toe aveese mai le upega tafailagi.
Ta’ua foi e Luai i lea lipoti ua ia aoaoina foi lesona mai lea mataupu ma o latou ia o le fiafia lava ma o tagata lava e silafia latou e malamalama foi o latou o ni tagata lelei.
