Ua ioe le tagata lea ua molia i le faaleagaina o le Rainbow crossing i Karangahape Rd i ona moliaga ma ua faatonuina e totogi se vaegatupe pe ā ma le 16 afe.
O le auala kolosi lea mo tagata savavali na lilofia i vali i le lua vaiaso talu ai ae faatoa mae’a foi lea ona faatino se tulaga faapea i le rainbow crossing i Gisborne.
O lē ua molia e pei ona ta’ua e le One News o Ford O’Connor e 31 tausaga le matua, na tulai i le faamasinoga faaitumalo i Aukilani i le taeao ananafi ma sa faia se faamatalaga a le taitai a le Destiny Church o Brian Tamaki i fafo ane o le nofoaga ma ta’ua ai o lē ua molia sa faaipoipo i lona granddaughter ma o se sui o le ekalesia.
Na pau lea o le faasalaga ua tuuina iai e le faamasinoga.
Puna o Faamatalaga: https://www.1news.co.nz/2024/04/15/destiny-church-member-admits-vandalising-rainbow-crossing
