O tulaga faigaluega mo faiaoga ma o latou totogi e le o lelei, o se saunoaga lea mai le minisita o aoga a o sauni ai faiaoga mo le latou solo tetee.

Lipotia i le asō i le Newshub lea faamatalaga a o sauni ai le PPTA lea e tulai mo faiaoga mai aoga maualuluga ma le NZ Educational Institute lea e tulai mo faiaoga i aoga amata ma aoga tulagalua e tutu faatasi e valaau ma finauina tulaga lelei mo le faatinoina o galuega aemaise i o latou totogi. 

O le a savavali ese ai i latou ia mai a latou galuega pe a faataunuu le solo tetee ae ua faailoa e le minisita o aoga Jan Tinetti i le lipoti lea a le AM e malamalama lelei i mataupu e pei ona laga atu e faiaoga ona e moni e le o lelei ia tulaga ma o le mafuaaga lea o loo taumafai ai e foia lea faafitauli.