O le faaiuga o le vaiaso na taunuu ai le au a le Manu Samoa ma le Manusina Taitoafitu i Europa ao loma ai taaloga i Monaco.
Taua e le Faiaoga Ulu a le Manu Samoa taitoafitu Muliagatele Brian Lima i le Samoa Global “ o se faigamalaga umi ae faafetaia le Atua ona ua taunuu manuia mai le faigamalaga”
“O aso e lua talu ona taunuu o toleniga lava o le faafoi o le malosi talu ai le umi o le faigamalaga lea e 4 aso na malaga ai”
Taua e le Muliagatele “mai lana au e toa 12 a alii, e toalima o le uluai taimi lenei ua tuua ai Samoa ma e talitonu o le avanoa lenei e saga unaia ai lo latou agavaa i lea taaloga”
O se tasi o luitai na taua e le faiaoga ulu o le tulaga lea o le eseese o auala na ola mai ai alii taaalo ma e taua le tau faamasani o le isi i le tasi e auala atu i le taalo faatasi.
Taua foi e Muliagatele o loo tele o nisi o tama taalo a le taitoafitu ua le mafai ona auai ona o le Koviti e pei o Tofatu Solia ae faapea le alii o Theo McFarland lea ua ia filifilia le Manu Samoa 15 e taalo ai
O le taaloga muamua a le Manu Samoa 7s o le a taaalo ai ma le au a Mexico i le Aso 19 o Iuni, ae mo le Manusina o le a taaalo muamua ma le au a Russia i le Aso 19 o Iuni.
