O le fonotaga lenei a Taitai o Malo o le Pasefika o loo ua amatalia nei i Rarotonga ma o loo auai le Taitai o le atunuu Afioga Fiame Naomi Mataafa.
O le fonotaga lenei e usuia i tausaga taifasi ina ia talanoaina ai mataupu o loo feagai ma atunuu o le Pasefika ma tuuina ai tali maumautu mo nei mataupu i le naunautaiga e faatumauina ai pea le saogalemu ma filemu o le Pasefika i soo se vaega o atinae.
E aofia ai ma faiga faavae o atinae ma vaega tāua i atunuu taitasi o mataupu e aofia ai mataupu tau le femalagaa’i o tagata faigaluega, o vaega o le siosiomaga ma aafiaga o suiga o le tau ma nisi o mataupu o le a lagaina e Taitai.
Na maua ai le avanoa o le Afioga Fiame e feiloai ai i le Taitai o le Malo o le Atu Kuki, Mark Brown e faatino ai nisi o talanoaga i nisi o mataupu i le Pasefika.
O le fonotaga lona 52 lenei ma o loo faagasolo mo lenei vaiaso atoa.
