Ua taunuu nei le palemia o Ausetalia, Anthony Albanese i le Torres Strait mo talanoaga e faatatau i sana fuafuaga mo se leo o i latou ia i le palemene.
O le palemia atoa ai ma le minisita Indigenous Australians o Linda Burney ma le senatoa o Nita Green lea o loo aofia i lea malaga ua fuafua e lua aso e iai ii e faia ai fonotaga ma ta’ita’i ma tagata o le komiuniti.
O le mataupu tāua o le a faatalanoaina ai e faatatau i lana folasaga na faia i se taimi ua te’a e faapea o le a faia ai se fesili i se referendum e faatatau i se leo o Indigenous Voice i le palemene atoa ai ma nisi o suiga i le faavae.
O setete ma teritori i Ausetalia ua malilie uma e lagolago le fuafuaga a le faigamalo a le Feterale e faaauau ona aga’i i luma i le mataupu o le Uluru Statement ma le Voice to Parliament e pei ona faagaioi nei e le alii palemia.
