Ua taunuu i Saina le Palemia o Niu Sila, Chris Hipkins ma lana aumalaga a o lumanai ai se feiloaiga a le Palemia ma le taitai o Saina o Xi Jingping.
O loo faimalaga le Palemia ma se vaega toatele e aofia ai ma taitai o auaunaga tau femalagaa’iga i le ea, tulisi ma aoaoga maualuluga ma o le uluai faigamalaga faapalemia lea mai Niu Sila ua agai atu i Saina talu ona tulai mai le koviti.
Ua faailoa e le Palemia i le televise a Niu Sila e mitamita lava Niu Sila i le faatumauina pea o le mafutaga ma atunuu ma o le mafutaga foi ma Saina o loo faavae i luga o tulaga ua mae’a ona faataatitia ma malamalama, ma o le a tumau ai foi i le tulaga lea ma faaauau foi e latou i lea faigamalaga.
