O lea ua tulaga lua le ‘au a le Tama Samoa e i lalo o le 18 tausaga le matutua i le mae’a o le taamilosaga lakapi fitu a a’oga o le lalolagi sa faia i Aukilani Niu Sila i le faaiuga o le vaiaso, ina ua oo le taumafai a Tama Samoa i le sailiga o le siamupini o le Ipu autu ma fetaui ai ma le ‘au a Niu Sila.
O le faaiuga o le taaloga Niu Sila 33 ‘ai i le leai a Tama Samoa. Sa mataina foi le taumafai a le ‘au a Teine Samoa i le vaega o tamaitai, ae e lei manuia i le sailiga o le siamupini.
O le ‘au a tamaitai aoga mai Iapani ua siamupini, ae o tama a’oga Niu Sila i le vaega o alii ua sola ma le Ipu o le siamupini o le taamilosaga.
