Ua toe tolu nei vaiaso o totoe ona faailoa mai lea e le teutupe a le atunuu, Jim Chalmers le tala faatatau o le tupe a le Feterale.

Ua faailoa i lipoti a le 9News i le asō o le tau o le soifuaga o se mataupu tele lea o loo feagai ma le atunuu atoa ma e lē taumate o le a vaaia i le tala faatatau o le tupe lea nisi faiga faavae e taumafai e faaitiitia ai aafiaga i tagata.

Ua mae’a ona feta’ua’ina i nisi o faamatalaga mai aso ua tuanai le faia o le Stage 3 tax cuts ae iai ma isi fuafuaga e lē o faailoa auiliili e le malo.

Fai mai le lipoti o le faiga faavae e faatatau i lafoga, le signature tax policy na folafola ia Ianuari ma pasia mulimuli ane e le Palemene o le a tele ai se faamanuiaga e maua e i latou e itiiti pe feoloolo le tupe maua ae o le a iai foi lafoga e aveese mai tagata e maualuluga totogi.

O le tele o taumatega o loo faia i le taimi nei e le toatele e lē taumate o le a faatoa faamautuina uma i le aso e folasia mai ai le paketi i le aso 14 o Me.

Puna o Faamatalaga: https://www.9news.com.au/national/federal-budget-2024-cost-of-living-relief-what-to-expect-anthony-albanese-jim-chalmers-explained/96f5bc56-71c3-4013-ac85-80c403f26953