Ua moomia le fai o se faiga e aumai ai vaa o loo feoai atu i Waiheke i lalo o le faiga o loo maua ai fesoasoani mo feoaiga lautele, ona ua taugata tele.
O le manatu lea o le sui faipule o le Greens, Chloe Swarbrick lea e sau mai Auckland Central e aofia atu ai ma le motu o Waiheke.
Ua tusi ai Chloe agai i le minisita fou o femalagaa’iga, David Parker mo se faamalamalamaga i le taugata tele o pasese mo Waiheke ma o lea lava foi na faailoa mai e le minisita sa iai muamua i le tausaga talu ai, o loo galulue iai pulega o femalagaa’iga e aumai feoaiga i vaa mo Waiheke i lalo o le vaavaaiga o loo iai nei femalagaa’iga lautele.
O le faaiuga o le vaiaso faatoa talu ai na toe sii ai le tau o pasese e totogi mo feoaiga nei i vaa a le Fullers lea ua $59 i le return ticket.
Mai ia Chloe, ua taugata tele lea $59 ma ua moomia ai le fai e le malo o se suiga.
