O le toatele o tagata faigaluega ua faailoa e le o lava totogi maua ma mea o loo moomia i aso taitasi.
O le taugata o le soifuaga ua iai nei ua faailoa ai e nisi i suesuega le taumafai e sue galuega ia tailua galuega ona ua le gafatia e totogi maua le taugata o le soifuaga.
O loo tutusa lea lipoti ma le suesuega mai le New Zealand Council of Trade Unions lea na fesiligia ai le tusa ma le 55,000 o tagata.
Ae i se saunoaga a le Palemia fou o Niu Sila e le o toe mamao faatauto, Chris Hipkins o loo ia faalogo, ma o lona manaoga ia iai se system mo lafoga e fetaui lelei mo tagata o loo tigaina e faigaluega, poo nisi nei o loo tele galuega e tausi ai aiga peitai e pei o loo faia fua ona o le tetele o lafoga o loo toe totogi.
O le toatele na fesiligia i suesuega o loo talitonu e le o tutusa le mili o le taugata o le soifua ma totogi maua, ma o tupe alu i faatauga lava a aiga le popolega tele o le toatele.
