E faatoluina le tau na faaalu e toe faaleleia ai ogapaipa i Ueligitone e faatusa i isi vaega o Niu Sila.
O le aso ananafi lea na toe faailoa ai e le pulega o le suāvai i Ueligitone le Wellington Water ma o tau nei o loo sau ma le lipoti.
O loo toe maua ai o le mafua’aga o le leai o ni fua faataatitia e pulea ai tupe faaalu, e iai le taimi na tuua’ia ai foi e faapea na gaoia e se tasi faapea konekarate nei e faia galuega.
O tupe gaoi ua ta’ua, e faapea e faitau sefulu afe ma o lea foi ua faamālōlō lē o loo tuua’ia ai ma ua su’esu’e foi e leoleo.
Ua fai mai ai nisi o pulenuu o le faalavelave, ua leva tele ona lē fia faalogo le pulega o le suāvai a Ueligitone i lana puleganuu.
Fai mai ai le pulenuu o Ueligitione, Tory Whanau, o lipoti e matagā ma ua atagia mai ai foi le matua’i moomia ona faia iai o nisi iloiloga.O le lipoti na sau i tua ananafi ua na o le aotelega o su’esu’ega na faia, ma o loo faatali le Pulenuu i le lipoti atoa.
Puna o Faamatalaga: Cost of unplanned water pipe repairs in the Wellington region three times higher than in other regions | RNZ News
