Ua alafai mai le atunuu I lenei aso fou ma suiga ua vave aloaia ai le tuu mai I lalo o lafoga o le suauu poo fuel tax
Ao taugata ai le tau o le suauu I nei ona vaitau, o le afiafi ananafi na fofoga mai ai e le palemia, Jacinda Ardern nisi o suiga ua faia e le malo e aofia ai ma le tuu mai I lalo o le fuel tax
25 sene I le lita lea ua toesea mo le tolu masina ma na amata aloaia mai le toe minute I le 12 anapo
O le 52% o loo totogi mo le suauu o loo alu uma I lafoga, ma I totonu o Niu Sila o tagata Aukilani lea o loo tigaina ona o lea e ese le fuel tax toe faaopoopo iai ma le isi 10 sene I luga
Ese mai I lea o lea foi o le a totogi na o le afa le tau o femalagaiga lautele poo public transport mo le tolu masina ma e faatoa aloaia mai ia Aperila
Ao fesoasoani mai ai la le malo I le taugata o le suauu ma femalagaiga, mai le taitai o le National, Christopher Luxon faapea David Seymour o le Act, e le o lava, ma e le na o le suauu lea e taugata o lea foi e oi le atunuu I le alu I luga o tau o meaai faapea ai ma fale
