O fugalaau o le mata o le la poo sunflowers lea ua faaaoga faapea ma faailo lolomi i luga o paluni ma banners a i latou na agai ane i le Palemene i le vaiaso nei e finauina le faamalosia o le tulafono e patino ia i latou e iai manaoga tumau.
O se petiton ua saini ai tagata e lata i le 15 afe ua taliaina e le faipule o le Green o Jan Logie ma o lea petition o loo talosagaina ai le faamalosia o le pili e faatatau i tagata e iai manaoga tumau ma o latou avanoa e ulufale pe agai ai i nofoaga e pei o pisinisi, faalapotopotoga ma isi nofoaga e masani ona agai iai tagata e iai manaoga tumau.
Fai mai pe ā ma le 60 i latou ia sa agai ane e lagolago le tuuina o le petition ma fai mai le faipule na taliaina le talosaga, e manaomia patī uma e malilie i le faalauteleina o le pili.
O le taimi nei o loo iloilo le pili lea o le Accessibility for NZ bill i le mae’a ai o se piliota sa faatalanoa ai le mataupu.
