O le faigapaaga faavaomalo a Samoa ma Fiti na uluai aloaia i le tausaga e 1974 e tusa nei ua 50 tausaga.
O se faigapaaga o loo mautu pea e ala i sootaga o atunuu mai o la talafaasolopito mai lava i taimi o feasiasia’i tagata o le Pasefika e pei o talatuu o Samoa ma Fiti.
O pulegamalo faatemokarasi ua pulea ai le tele o malo o le Pasefika e pei o lea atunuu ma Samoa ua faaauau ai pea ona tatou fai paaga ma lea Malo, ina ua tauaao atu tusi taualoa o le tofiga Komesina Mualuga filifilia o Fiti mo Samoa, le susuga William Brown Toganivalu.
I le sauniga i le maota faalemalo o le Ao o le Malo na tauaao ai tusi taualoa o le sui o le Malo o Fiti na faailoa ai e le Komesina Maualuga le tulimatai ai e lona malo o le fono a Malo o le Taupulega o le a usuia i Samoa ia Oketopa.
Ua aumai ai foi le lagolago a lea Malo i le faamoemoe o loo loma nei.
O le sui o le Malo o Fiti mo Samoa e faamautu lava i lona atunuu.
E pei ona silafia ua iai foi le sui o le Malo o Samoa ua faamautu i Fiti le afioga Aliioaiga Feturi Elisaia.
