O le taua lea ua tali mai ai Isaraelu ia Gaza e tusa ma le osofaiga i le faaiuga o le vaiaso lea ua fasiotia ai le faitau selau ae silia ma le tasi le afe tagata manunu’a.
O le Aso Toonai taimi Niu Sila lea na faate’ia ai Isaraelu ina ua osofaia e le Hamas, ma oo mai ai loa ananafi toe faasagasaga mai Isaraelu toe taui ma e tuufaatasia tala fou ua silia ma le 300 tagata i Gaza ua maliliu e aofia ai ma fanau e to’a 20.
I nisi o lipoti e faapea e tele atu lokeki na tafana a Hamas ananafi na i lo Isaraelu, ma i Isaraelu o lea ua ioeina e lana Kapeneta isi laasaga e matuai faatoilalo ai Hamas ma e lē gata i osofaiga, ae ua vaavaai foi i itu e motusia ai le eletise, motusia le sapalai o loo maua ai le suauu faapea ai ma le taunuu atu o oloa i totonu o Gaza.
Pe a taliu mai i Niu Sila, ua valaau le minisita o le va i fafo, Nanaia Mahuta ia vave faauma le femisaa’i ma o le toatele foi o taitai mai atunuu eseese ua o latou upuia i le faaiuga o le vaiaso Hamas ma ana osofaiga.
O lea ua taumafai atu foi Niu Sila e saili ona tagatanuu o loo i totonu o Isaraelu i le taimi nei ma i faamaumauga a le matagaluega a le va i fafo, e tusa ma le 87 tagata Kiwi o loo i Isaraelu.
Mai le Palemia o Niu Sila, Chris Hipkins ua faaalia lona popole i le taua ua iai nei auā e foliga mai e lē vave uma.
