O lea ua tau manino mai le faalavelave na tupu i North Shore i le taeao analeila lea ua lipotia i le Newshub na vaaia ai le pueina e leoleo o se alii sa ia ofuina se mitiafu o le kegi a le Head Hunters.

Ta’ua e leoleo na valaau ane le latou fesoasoani i se tuatusi i Sartors Ave i Browns Bay ona o lipoti o se faaoogalima. 

Fai mai se sooupu a leoleo o le tagata na aafia i le mataupu lea sa agai ese mai ma le tuatusi lea ma e leai ni manuaga tuga.

Ina ua taunuu atu leoleo i le fale na agai ane le alii lea ma fai ane faamatau i leoleo ma sa faailoa le agaga faafetai o leoleo i aiga o loo aumau ai i le faaitu lea ona o le onosaia o le taimi sa faatinoina ai le latou galuega.

O faamatalaga mai nisi o aiga tuaoi ua ta’ua ai sa faatonuina i latou e nonofo i o latou fale sei vagana ua toe logo atu latou.O loo faatalia se isi lipoti lata mai.