I ni nai vaiaso e le o toe mamao o le a amata maua ai e le faitau miliona o tagata ausetalia le peimeni mai le malo e pei ona folafola mai I le tala o le tupe, e fesoasoani ai I le taugata o le soifuaga I lenei vaitau. Lipotia e le alaata 7 a Ausetalia pe a ma le 6 miliona o tagata ausetalia, o I latou ua penisiona, tausi soifua ma le au sue galuega ma isi e umia concession cards, o I latou ia e agavaa I lea fesoasoani. 

Ua iai lipoti I le aso ua taua ai se faamatalaga mai le Services Australia o le uluai peimeni o le a faia mai I le aso 28 o le masina lenei o Aperila ae e fua lava I Tulafono. Fai mai e le manaomia ona tau apalai I lea peimeni ae o le a okometi lava ona tuuina I le tusitupe a le tagata e agavaa.

O se tasi lenei o folasaga na faia mai e le malo I lana tala faatatau o le tupe talu ai nei , o leisi faamama avega sa faailoa o le tax offset mot agata e itiiti tupe maua pe feololo foi. O lona uiga ise faataitaiga e pei ona taua mai I le lipoti o se tagata e itiiiti ane I le 126 afe lana tupe maua ile tausaga, a faatumu le tax return ia Iulai, e ono oo atu I le 1500 e faapau ese mai lafoga ae fua lava I le aofai o le lafoga e lipotia ane.