O se tasi o vaega tāua o le faamanatuina o le Australia Day i tausaga taitasi o le sauniga lea e avea ai nisi ua manuia talosaga e avea ma sitiseni o le atunuu, ae iai lona pa puipui faaiu i le ausia o lea tulaga, o le faia lea o se suega o le multiple choice test.
Mo le toatele o tagata e soifua ane i Ausetalia pe nofomau se tasi o matua, o le a otomeki lava ona avea ma sitiseni pe a soifua mai.
Ae mo le toatele o tagata faatoa taunuu mai i Ausetalia, o se tasi o vaega o le avea ma sitiseni pe afai e talosaga, o le pasi lea o le suega lea multiple choice e aofia ai fesili e 20.
O le lima o fesili e agai sao i mea e faatatau ia Ausetalia ma o tagata e talosaga e tatau ona sa’o uma tali i ia fesili ma e tatau foi ona ausia le 75 pasene o togi.
O le taimi nei o se tasi o aso tāua i le soifua o i latou ua faamanuiaina talosaga e avea ma tagatanuu o Ausetalia e pei ona faataunuu ai sauniga i vaega eseese o le atunuu e faamanatu ai le ausia o sea foi laasaga i le aumau ai i Ausetalia nei.
