Ua tatau ona lē toe tāpā tusifolau mo tagata o loo feoai i le va o Ausetalia ma Niu Sila.
A o tapena le malaga mai o le Palemia o Ausetalia i Niu Sila i le vaiaso nei, Anthony Albanese o le talosaga lea a le pule sili o le Australia’s Tourism and Transport Forum, Margy Osmond.
Fai mai le pule sili ua oo i le taimi ua tatau ai ona vaavaai ma faataitai i metotia nei o loo faia foi e isi atunuu ma o loo manuia.
O se faiga o loo fai mai ua lava le faiga o loo faaaogā ai foliga e faamaonia ai ae lē toe moomia se tusifolau, nisi lava pepa faamaoniga poo boarding passes ma e le gata o le a faafaigofie ai feoaiga ae faasao ai ma le taimi.
A o faatalosaga ai e le vaega o turisi lenei suiga mo pasese feoai i le va o atunuu e lua, ua sau ai ma le talosaga o loo mananao e faataitai i le faaiuga o le tausaga nei ae amata aloaia i le tausaga fou.
O le malaga mai o Albanese i le vaiaso nei o se faigamalaga o le a sami ai taunuuga manuia o le mafutaga vavalalata ma Niu Sila ua ausia i le tuanai aemaise o fuafuaga mo le agai i luma.
