E tatau ona faia ni toleniga mo avepasi e a’o ai self-defence aua le malu puipuia o avepasi.
O le finagalo lea o le avepasi Aukilani, Henry Liu na aveina le pasi e sau mai Britomart agai i Botany i le Aso Gafua, peitai na faate’ia i le oso atu o le tina i luga o le pasi ma soona lafo faamatalaga faailogalanu.
Na uma ona talafo faamatalaga nei ae faasagasaga ane faitau tagata Asia o le pasese ma o i na valaau ai loa leoleo.
Ua lipotia e lē gata o lafoga ae o lea foi na pa’i lima ma tagata e toalua o le pasese ma faia ai loa e le avepasi le faai’uga e faatū le pasi ae faatonu le pasese e o i fafo ma le pasi.
E taunuu atu leoleo ua alu lea tina ma i faamaoniga ananafi o loo suesueina pea lenei mataupu.
Ae mai le avepasi ua moomia le faia o ni toleniga e a’oa’o ai avepasi i self-defense auā e pau a’oa’oga o loo tuuina atu i avepasi o le aua ne’i faataua tagata faapea ae valaau leoleo.
Fai mai ai ma le Iuni, e lē o lava puipuiga mo avepasi.
Puna o Faamatalaga: ‘Traumatised’ Auckland bus driver wants action after abuse (1news.co.nz)
