A o talanoaina ai i atunuu i fafo le faasā o fanau e i lalo o le 16 tausaga mai luga o le social media, o lea foi ua iai manatu e faataitai iai ma Niu Sila.
O Florida i Amerika lea ua agai e pasia le tulafono e faasā ai fanau e i lalo o le 16 tausaga mai le social media, ae o Peretania ua faaalia e le 2/3 o tagata o loo mananao ia faasā ona toe faatau atu e faleoloa telefoni smart phones i fanau e i lalo o le 16 tausaga.
Ua fai mai ai Dr Samantha March o se tasi o tagata suesue sinia i le iunivesite o Aukilani i tala a le Stuff, o lona ia lea talitonuga, ua matuai faaleagaina e le social media fanau Kiwi.
O le manaoga o Samantha ia faasā ona toe faatauina atu i fanau e i lalo o le 16 tausaga telefoni faapea le faaaogāina o le social media.
Ua ia finauina ai foi, o le tele o mea nei o loo afaina ai le mafaufau o le tamaititi.
